चैत्र २४ ,कालिकोट। कालिकोटका प्रमुख जिल्ला अधिकारी रामहरी शर्माले राष्ट्रसेवक कर्मचारीलाई निर्वाचनमा भोट हाल्ने अधिकार छ, तर सेवा प्रभावित पारेर खुल्लेआम पार्टीको झण्डा वोकेर हिड्ने अधिकार नभएको बताएका छन् ।
नेकपा माओवादी केन्द्र निकट तिनवटा संगठनको बिहिवार मान्ममा आयोजित जिल्ला अधिवेशनमा सहभागी कर्मचारीहरुलाई प्रमुख जिल्ला अधिकारी शर्माले यस्तो निर्देशन गरेका हुन ।
जन्ताको सेवा छाडेर पार्टी संगठनको भेलामा आएका संयौँ कर्मचारी तथा स्वास्थ्यकर्मीहरुलाई शर्माले समय अनुकुल बनाएर अधिकावेशन गर्नु पर्ने ठाउँमा सरकारी कार्यालयकै समयमा कर्मचारी जिल्लामा उपस्थित गराउनु उचित नभएको बताएका थिए ।
पेशागत हक हितकोलागी संघ संगठनमा आवद्ध हुनु राम्रो हो, तर, जन्ताको सेवा नै छाडेर जिल्लामा उप्केरै कर्मचारीको सहभागिता देखेपछी सरकारी कार्यालयमा सेवाग्रहीमा परेको असरप्रती सवैले चासो राख्नु पर्ने बताए ।
सिडियो शर्माले भने, अधिवेशन कुनै बिदाको समय पारेर गर्नु पर्ने हो, कार्यालय संचालनकै समयमा यत्तो कर्मचारीको संख्या सदरमुकाम मान्ममा हुदा उता गाउँमा सेवाग्राहीले कती हैरानी खेप्नु परेको होला । जिल्लाको प्रमुख जिल्ला अधिकारीको हैसियतले आफुले भनेको हुँ कुनै पुर्वाग्राहीका हिसावले मैले सुझाव दिएको हैन ।
एक संगठन भएपनी त्यती सेवा प्रभावित हुने थिएन, यहाँत तिन तिन संगठनका कर्मचारीचाहरु मान्ममा छन । अधिवेशन निजामती कर्मचारी संगठनका जिल्ला अध्यक्ष प्रकाश देवकोटाको सभाअध्यक्षता, माओवादी केन्द्रका केन्द्रिय सदस्य महेन्द्रबहादुर शाहीको प्रमुख आतिथ्यता, केन्द्रिय सदस्य एशोदा न्यौपाने, लगायतका नेताहरुको आतिथ्यता रहेको थियो । कार्यक्रम जिल्ला समन्वय समितिको सभाहलमा तिनवटा संगठनको एकै सभा र एकै दिन अधिवेशन उद्घाटन गरिएको छ ।
karnalipress
२४ चैत्र २०७८, बिहीबार १९:३२