जेठ ६,कालिकोट। कालिकोट जिल्लाको राष्कोट नगरपालिकाको मेयरमा धर्मराज शाही (पोषण) र उपप्रमुखमा मनिराज बराल अत्यधिक मतका साथ विजयी भएका छन्।
माओवादी केन्द्रका नेता धर्मराज शाही (पोषण) शाहीले ३०४७ मत पाए,भने उनको प्रतिस्पर्धामा रहेका एमालेका दयाराम सिम्खडाले २११७ मत प्राप्त गरे।
त्यस्तै एकीकृत समाजवादीका नेता बरालले प्रतिष्पर्धीलाई दोब्बर मतले पछि पारेका थिए। बरालले २८०९ र उनको प्रतिस्पर्धामा रहेकी एमालेकी उमा शाहीले जम्मा १३०१ मत पाएकी छन्।रास्कोट नगरपालिकामा माओवादी केन्द्र र एकीकृत समाजवादीबिच गठबन्धन भएको थियो ।
९ वटा वडा रहेको यो नगरपालिकामा नेकपा माओवादी केन्द्रले ७ वटा वडा,एकीकृत समाजवादिवडा १ वडा र ,नेपाली काँग्रेसले १ वटा वडा जितेको छ।
रास्कोट नगरपालिकाको वडा नं. १, २, ५, ६, ७, ८ र ९ मा नेकपा माओवादी केन्द्र, ४ नेपाली कांग्रेस र ३ मा एकीकृत समाजवादी पार्टीका उम्मेदवार वडा अध्यक्षमा निर्वाचित भएका छन् ।
karnalipress
६ जेष्ठ २०७९, शुक्रबार ०६:०६