श्रावण १३, कालीकाेट ।केन्द्रमा शुनिल थापाको नेतृत्वमा नेपाली काँग्रेसमा आएको राष्ट्रिय प्रजातन्त्र पाटीका नेताहरुसँगै कालीकोटमा पनि ठुलो संख्यामा नेताहरु काँग्रेसमा समाजोजन भएका छन् । जिल्लामा राप्रपाका केन्द्रीय सदस्य प्रेमबहादुर शाहीको नेतृत्वमा जिल्ला उपाध्यक्ष पटकबहादुर शाही सहित तीन दर्जन भन्दा बढी नेताहरु काँग्रेसमा समायोजन भएका छन् ।
काँग्रेस राप्रपाको समायोजन टुङ्गिएसँगै महासमिति सदस्य प्रेम बहादुर शाही, जिल्ला कार्यसमिति सचिबमा पटक शाही,सहसचिव गणेश शाही, सदस्य हरु धिरिन्द्र शाही, मानसिंग बम, कर्म बुढा, दीर्घ शाही, मलिम शाही, दिनेश शाही प्रदेश सभा कार्यसमिति ख मा कोषाध्यक्ष शुसिला शाहीले जिम्मेवारी पाउनु भएको छ।
यस्तै राप्रपाको विभिन्न भातृ संस्थाबाट काँग्रेसमा समायोजन हुने नेताहरुलाई पनि विभिन्न तहमा जिम्मेवारी दिईएको छ । नेपाली काँग्रेस कालीकोटका सभापती हर्षबहादुर बम, नेपाली काँग्रेसका महासमिति सदस्य तथा नेपाल तरुण दलका केन्द्रीय महासचिव भुपेन्द्रजंग शाही, पुर्व पाटी सभापती कालीबहादुर सहकारी, उपसभापती संकर प्रसाद उपाध्याय, युवा नेता दमनबहादुर शाही लगायतका काँग्रेस नेताहरुले राप्रपाबाट समायोजन भएका नेताहरुलाई पार्टीमा स्वागत गरीएको यूवा नेता जगतजंङ बिष्टले जानकारी दिनुभयो ।
karnalipress
१३ श्रावण २०७८, बुधबार २०:०९