ललित विष्ट कालीकोट ।
कालीकोटको तिलागुफा नगरपालीको -७ छाप्रेको वडा कार्यालय भवन निर्माणको लागि जग्गा दान गरेका छन् । तिलागुफा नगरपालीका –७ का युवा नेता सत्यबहादुर शाहीले वडा कार्यालय भवन निर्माणका लागि ३ सय ९० वर्ग मिटर जग्गा दान गरेका हुन्।
शाहीले उक्त जग्गा वडा कार्यालयको नाममा रजिष्ट्रेशन पास गरिदिएका छन् । वडा कार्यालयको भवन निर्माणको लागि जग्गा अभाव देखेपछि आफुले कार्यालयको लागि निःशुल्क जग्गा दिएर जिल्ला मालपोत कार्यालयबाट वडा कार्यालयको नाममा पास समेत गरेको वडाध्यक्ष दिपबहादुर शाहीले जानकारी दिएका छन् ।
उक्त जग्गामा वडा कार्यालयको भवन निर्माण थालिने छ । तिलागुफा नगरपालिकाको वडा नं १, २, ३, ४, ५, ६ र १०, ११ को आफ्नै भवन छ । वडा नं ६, ७, र ९, को वडा कार्यालयको कामकाज भने हाल भाडाको घरमा सञ्चालन हुँदै आएको छ ।
karnalipress
१९ जेष्ठ २०८१, शनिबार ०७:०७