असोज ४,कालिकोट। जिल्ला प्रहरी कार्यलया कालिकोटले लागु औषध सहित जुम्लाका दुई जनालाई पक्राउ गरेको छ।आईतबार जुम्लाको पातारासी गाउँपालिका वडा नं. ६ बस्ने वर्ष २८ को राम बहादुर बुढा र चन्दननाथ नगरपालिका वडा नं.६ बस्ने वर्ष २४ का सनिर श्रेष्ठलाई लागु औषध सहित पक्राउ गरे हो।
नेपालगञ्ज बाट जुम्ला तर्फ जादै गरेको लु.७३ प ८३०५ को पल्सर मोटरसाईकललाई प्रहरी चौकी खल्लागार्डको प्रहरी टोलीले चेकजाँच गर्दा मोटरसाईकको ब्याट्री राख्ने ठाउँ र सिटमुनी लुकाएर राखेको अवस्थामा ‘ब्राउन सुगर’ ७ ग्राम INTRAVET-10 लेखिएको १२ पत्तामा १७५ ट्यावलेट र TRAMWAL लेखिएको २८ पत्तामा २८० ट्यावलेट बरामद गरेको जिल्ला प्रहरी कार्यालय कालिकोटले जनाएको छ।
पक्राउ परेका दुबै जनालाइै जिल्ला प्रहरी कार्यालय कालिकोटमा राखिएको छ । उनीहरुमाथि थप अनुसन्धान भइरहेको जिल्ला प्रहरी कार्यालय कालिकोटका डीएसपी चक्रबहादुर शाहले जानकारी दिनुभयो।
karnalipress
४ आश्विन २०७८, सोमबार १७:५१