बैशाख२६,कालिकोट। दैलेख जिल्लाको आठबिस नगरपालिकामा एमालेको तर्फबाट मेयरका पदका उम्मेदवार तर्क बहादुर बडुवालले प्रयोग गरेको गाडि अज्ञात समूहले आगजनी गरेको छ ।
बा १९ च ५५७९ नम्बरको स्कार्पियो गाडी राकम कर्णाली दैलेखको खोलिबजार स्थित सृष्टि होटल अगाडि राखिएको समएमा राती करिब ३ः१५बजे अज्ञात समूहले आगजनी गरेको हो ।
गाडी चालक गाडीमै सुतिरहेको अवस्थामा आगजनी भएको बताईएको छ। गाडीको पछाडिको टायर जलेको छ भने मानवीय क्षति भएको छैन् ।
चुनाव प्रचारका लागि प्रयोग गरिएको गाडी अज्ञात समूहले आगजनी गरेका हुन्। स्थानीयका अनुसार आगजनी गर्नेहरु आगजनी गरे लगत्तै भागेका थिए। गाडीमा लागेको आगोलाई स्थानीय बासिन्दाले नियन्त्रणमा लिएका छन्।
karnalipress
२६ बैशाख २०७९, सोमबार ०६:५६