असोज १०,कालिकोट। नेपाली काँग्रेस कालीकोटले पालिका अधिवेशन सुरु भएको छ । असोज १५ गते हुने जिल्ला कार्य समितिको अधिवेशनलाई सफल बनाउन शनिवार पालिका अधिवेशन उद्घाटन गरिएको छ । शनिवार ६ वटा स्थानीय तहमा पालिका अधिवेशन उद्घाटन गरिएको कालीकोट काँग्रेसले जनाएको छ ।
जिल्लाको नरहरिनाथ गाउँपालिका, सान्नित्रिवेणी गाउँपालिका, रास्कोट नगरपालिका, पचालझरना गाउँपालिका, महावै गाउँपालिका र शुभकालीका गाउँपालिकामा अधिवेशन उद्घाटन गरिएको छ । ३ वटा पालिकामा यस अघि नै सहमतिमा पालिका अधिवेशन सम्पन्न गरि सकेको छ ।
पलाता गाउँपालिकामा धिरबहादुर बम, खाडाचक्र नगरपालिकामा भानुभक्त आचार्य शर्मा, तिलागुफा नगरपालिकामा धिरेन्द्र थापा पालिका सभापतिमा चयन भइसक्नुभएको छ । बाकी ६ वटा पालिकामा आज उद्घाटन गरिएको छ नरहरिनाथ गाउँपालिकामा पालिका सभापति देवीराज उपाध्यायको अध्यक्षता महासमिति सदस्य नारायण प्रसाद भट्टराईको प्रमुख आतिथ्यता जिल्ला कार्य समितिका सदस्य तरुण विभागका केन्द्रीय सदस्य मीनबहादुर बोगटी काँग्रेस नेता गणेशबहादुर शाहीको विशेष आतिथ्यतामा सूरु भएको अधिवेशनले काँग्रेसका नेता रामबहादुर बटालालाई पालिका सभापतिमा सर्वसहमत चयन गरेको छ ।
भने रास्कोट नगरपालिकामा महासमिति सदस्य टेकराज शाहीको प्रमुख आतिथ्यता, क्षेत्रीय सभापति दमनबहादुर शाही, महाधिवेशन प्रतिनिधि दानबहादुर बमको विशेष आतिथ्यतामा नगरअधिवेशन उद्घाटन गरिएको छ । भने ५ वटा पालिकाको नतिजा आउन बाकी रहेको काँग्रेस स्रोतले जनाएको छ ।
karnalipress
१० आश्विन २०७८, आईतवार ०७:५०