चैत्र ३,कालिकोट । सुत्केरी महिलाको उद्धार गरीएको छ । मंगलवार राती देखि सुत्केरी ब्यथाले थलापरेकी पलाँता गाउँपालिका—५,खिनकी २४ बर्षिय सुत्केरी महिला गिता शाही बमलाई बिहिवार हेलिकोप्टरबाट उद्धारगरी सुर्खेत पठाईएको हो ।
राष्ट्रपति महिला उत्थान कार्यक्रम अन्तर्गत सुत्केरी हुन नसकेकी महिलाको तिनदिन पछि उद्धार गरीएको छ । मंगलवार रातीदेखि प्रथामिक स्वास्थय चौकी खिनमा सुत्केरी हुन नसके पछी आज थप उपचारको लागि हेलिकोप्टर मार्फत सुर्खेत उद्धार गरीएको प्रमुख जिल्ला अधिकारी रामहरि र्शमाले बताए। उनले भने ‘आफुकहाँ सुत्केरी हुन नसकेको जानकारी आज आएपछी थप उपचारको लागि ती महिलाहरुलाई हेलिकोप्टर मार्फत सुर्खेत उद्धार गरेका छौं ।’
पलाँता गाउँपालिका वडानं-५ का वडा आध्यक्ष बिरबहादुर बमको बिषेश पहमा हेलिकोप्टर मार्फत उद्धारगरी प्रदेश अस्पताल सुर्खेतमा लगिएकी गिता शाही बमले छोराको जन्म दिएको उनका श्रीमान बिशाल बमले जानकारी दिए । अहिले उनको स्वास्थय अवस्था सामान्य रहेको उनको भनाई छ ।
karnalipress
३ चैत्र २०७८, बिहीबार १८:२३