फाल्गुन १९,कालिकोट। पत्रकार तथा स्वास्थ्य संचारकर्मीहरु बिच एक दिने अन्तरक्रिया कार्यक्रम सम्पन्न भएको छ। स्वास्थ्य सेवा कार्यालय कालिकोटको आयोजनामा जिल्ला स्थित पत्रकारहरुलाई एक दिने अन्तरक्रिया कार्यक्रम सम्पन्न गरिएको हो । कार्यक्रममा स्वास्थ्य सेवा कार्यालय कालिकोटले आर्थिक बर्ष ०७८/७९ हालसम्म गरेको सेवा र उपलब्धि,चुनौतीलाई प्रष्ट पारीएको थियो।
कार्यक्रममा बोल्दै डा. रत्नवबीर सुनारले स्वास्थ्य सेवाको पहुँचमा नरहेका नागरिकलाई सुसूचित गराउ र खोपको पँहुचमा सबै नागरीकलाई पुगाउन सहभागि पत्रकारहरुलाई आग्रह समेत गरे । स्वास्थय क्षेत्रमा जुनसुकै बिरामको पनि सफल उपचार गर्न सफल भएको स्वास्थय सेवा कार्यालय कालिकोटले जनाएको छ।
कोरोनाको बारेमा जानकारी दिदै जनस्वास्थ्य अधिकृत गौरा घर्तीमगरले कोरोना भाइरस कोभिड- १९ सुरु भएदेखि हालसम्मको कालिकोटमा कोभिड अबस्था बारे जानकारि गराउदै कालीकोट जिल्लामा कोभिड- १९ का कारण ७ जनाको मृत्यु भएको बताइन् र यो हुनु दुखद रहेको बताइन् । स्वास्थ्य सेवा कार्यालय कालिकोटका ब्यवस्थापक डा. रत्नबीर सुनारको अध्यक्षता,जनस्वास्थ्य अधिकृत कटक महतको बिशेष आतिथ्यता रहेको उक्त कार्यक्रममा जिल्ला स्थित पत्रकार हरुको सहभागिता रहेको थियो ।
karnalipress
१९ फाल्गुन २०७८, बिहीबार १९:१२