चैत्र १५,कालिकोट । नेकपा माओवादी केन्द्रका कर्णाली प्रदेश कमिटि सदस्य एवम कर्णाली विकास आयोगका सदस्य कृष्ण प्रसाद आचार्य एमाले प्रवेश गर्ने भएका छन् ।
लामो समय माओवादीमा राजनीति गरेधका आचार्य यहि १७ गते कालिकोटमा आयोजना हुने एमालेको वृहत आमसभामा प्रवेश गर्ने भएका हुन । सो कार्यक्रममा एमालेका अध्यक्ष केपि शर्मा ओली समेतको सहभागित रहने एमाले केन्द्रीय सदस्य तथा जिल्ला इन्चार्ज नागेन्द्र शाही नेश्नलले बताए ।
उनका अनुसार अध्यक्ष ओलीले विभिन्न दलका चार सय भन्दा बढि नेता कार्यकर्तालाई एमालेमा भित्र्याउने भएका छन् । उनी सहित माओवादी प्रदेश कमिटि सदस्य महेन्द्रबहादुर शाही समेत सोही दिन एमालेमा प्रवेश गर्ने भएका हुन ।
‘जीवन नै संघर्ष हो । संघर्ष गरेर नै जनताको सेवा गर्न प्रयासरत छु ।’ आचार्यले भने, ‘देशको रुपान्तरण गर्ने दल एमाले हो । नेकपाकै एक अंशका रुपमा लिएर हामी ठूलो संख्यामा एमालेमा समाहित हुन खोजेका छौं ।’
karnalipress
१५ चैत्र २०७८, मंगलवार १२:३६